Қарбызға тілек жазады  

  Қытайда қабығына «бақыт», «ұзақ ғұмыр» деген иероглифтер жазылған қарбыз-қауындар сатылып жатыр. Бұл жемістерін тез әрі тиімді бағаға сату үшін Гу Синьлян деген фермердің ойлап тапқан «қулығы» екен. Қарбыз-қауыны дұрыс өтпей, күні бойы шақырайған күн астында тұрған Гу фермер іші пысып, тырнағымен жеміс­терінің сыртына «Фу», «Шоу» деп жазып қойған екен. Жазуы бар қарбыз-қауынының бәрі бір сағатқа жетпей сатылып кетеді. Сөйтіп, саудасы қызып сала берген фермер аз күнде 3 тонна қарбыз, 1 тонна қауын сатып, біраз табысқа кенеліпті. Фудың ерекше қарбыз-қауындары туралы жұрт әлеуметтік желіге жазып, журналистер хабарласып, қарапайым фермер аяқ астынан медиа-жұлдызға айналып шыға келді. Қазір ол жемістеріне клиенттері қалаған тілекті жазып беруге көшкен. Қытайда «бақыт», «ұзақ ғұ­мыр», «денсаулық», «табыс» деген мағына беретін иероглиф­терді түрлі бұйымдарға жазатын салт бар екен. Оны көбінесе біреуге сыйлық жасағанда өз қолда­рымен жазуға тырысады. Нұрхан АСҚАР